頭先趕去中環集會，坐升降機撞到葉劉，本來立法會見到建制派呢，頂多就點個頭各自睇手機，但誰不知佢見到我就黑曬面，主動問我「係咪好想香港被制裁」，又想試我就話「下個國家邊個制裁啊，係咪加拿大？」。
見佢全黨區議會議席歸零，加埋《香港人權民主法案》正式生效，即係地方賽同世界盃都輸曬，我都係面帶笑容虛應佢幾句咩「哈哈睇下點好難講」就算。
不過講真啊，制裁香港呢家野即使可能係十五十六，我都幾肯定大家都相當寄望，作為行會成員既你會被西方國家制裁，尤其是係你日日掛喺口邊話自己師承Larry Diamond史丹福大學回流香港。
🍇，Good Luck！